Sarah & Addie
Sarah and Addie 2.0
3/18/2021 | 25m 45sVideo has Closed Captions
Sarah and Addie return to the screen in this millennial remake of the classic skits.
Sarah and Addie return to the screen in this millennial remake of the classic skits created by Anton Teytaud. Set in the bustling market of downtown Christiansted, Sarah and Addie use their humor, wits, and story-telling abilities to paint a vivid picture of everyday life in the busy streets of St. Croix.
Problems playing video? | Closed Captioning Feedback
Problems playing video? | Closed Captioning Feedback
Sarah & Addie is a local public television program presented by WTJX
Sarah & Addie
Sarah and Addie 2.0
3/18/2021 | 25m 45sVideo has Closed Captions
Sarah and Addie return to the screen in this millennial remake of the classic skits created by Anton Teytaud. Set in the bustling market of downtown Christiansted, Sarah and Addie use their humor, wits, and story-telling abilities to paint a vivid picture of everyday life in the busy streets of St. Croix.
Problems playing video? | Closed Captioning Feedback
How to Watch Sarah & Addie
Sarah & Addie is available to stream on pbs.org and the free PBS App, available on iPhone, Apple TV, Android TV, Android smartphones, Amazon Fire TV, Amazon Fire Tablet, Roku, Samsung Smart TV, and Vizio.
Providing Support for PBS.org
Learn Moreabout PBS online sponsorship>>> THE UPCOMING PROGRAM WAS PREVIOUSLY RECORDED.
THE VIEWS EXPRESSED ON THIS PROGRAM ARE NOT NECESSARILY THOSE OF WTJX, ITS BOARD, STAFF OR UNDERWRITERS.
♫♫ ♫♫ ♫♫ ♫♫ >> EF AH ONLY HAD DE WILL AH ´E MEHSON!
OF DONKEYS, ARTISTS, AND BEDBUGS.
>> EH, SARAH, YO LATE TODAY GAL.
WHE YOU BEEN SO LANG?
>> AY ME CHILE.
AH HAD TO FORCE MESELF TO COME OUT TODAY.
AH HAD TO SICK LARSE NIGHT.
IRONIN´ YESTERDAY AN AH MUST BE KERCH A DRAFF WHEN AH WENT TO MEETIN´ LARSE NIGHT.
>> DAS DE WUS TING YO CUD AH DO.
GO OUT IN DE THE DEW AFTER YO BEEN IRONIN´.
YO SHOULD KNOW BETTER.
DAN DAT SARAH!
>> AH KNOW ME CHILE.
BUT AH HAD WANT TO HEAR WHA DE MAN HAD TO SAY FO´ E SELF.
>> OH, AH SEE.
SO YO CARE MO BOUT DEM KINE A TING DAN YO OWN HEALTH?
NO, YOU CUD GO ARN WID DAT.
>> NOT EXACTLY DAT, BUT YOU KNOW HOW IT CUD BE SOMETIMES.
AH LIKE TO HEAR FO MESELF.
AH DON´ LIKE TO HEAR DEM TING SECAN HAND.
ADDIE, TELL ME WHA SHE DOING DEH?
>> SHE SAY SHE PAINTIN´ AH PICTURE AH DE WELL OVER DEH.
>> YO MEAN DA OLE WELL YANDA?
FO WHA´ ME CHILE?
>> ME CHILE, WHEN SHE COME FUS TO SI´ DUNG YA YO SHOULD HEAR SHE AND ME.
"DAS A CHARMING OLD WELL YOU HAVE THERE," SHE SAY, "AH HOPE DE NEVER CHANGE IT.
WHAT A BEAUTIFUL PIECE OF MASONRY.
I HOPE YOU PEOPLE APPRECIATE THE BEAUTY OF IT."
>> ADDIE, SHE WAS TALKIN´ ´BOUT DA OLE WELL OVER YANDA?
YO SURE?
LEMME WATCH IT GOOD!
CHARMING?
WHA DIS YA FO ME?
>> HA!
A -I -I -I!
ME CHILE.
IT HAD ME WONDERIN´ DE SAME WAY.
AH TELL HER, "SURES WE LIKE DA WELL.
AIN´T WE DOES GET WATER FROM IT?"
SHE SAY SHE AIN´ MEAN DAT.
DE BEAUTY OF THE WELL ITSELF IS WHA SHE TARKIN ´BOUT.
BUT SARAH, SHE COULD PAINT WELL GOOD FOR TRU ´O KNOW.
DA PICTURE LOOK JES LIKE DE WELL!
YO KNOW YO RIGHT.
DE SOUL CUD DRAW WELL GOOD FO TRU.
>> EASE!
WHOA!
>> WATCH YA -- WHA YO GOIN DO?
GO TIE YO DANKEY OVER YANDER, MAN.
NOT RIGHT YA IN FRONT PEOPLE.
AFTER ALL TIS WHAT IT BE SO!
>> WHA MAKE AH CAN´ TIE ME ANIMAL HERE?
DIS DE PUBLIC STREET.
AH GOT AS MUCH RIGHT TO BE HERE AS YOU.
>> HEAR DI BAJAN TARKIN NO?
GOT WHA RIGHT, YOU?
>> BUT TIS DA, MOVE YO DANKEY FROM IN FRONT PEOPLE NO ME FREN!
YO SEE WHA AH TELL YOU?
YO GOIN CLEAN IT UP, YO OLE BAJAN GOOD FOR NUTTING YO!
MOVE FROM YA!
>> I DON´T WANT NO TROUBLE WID ALYO WOMEN.
THE TWO OF ALYO IS CAUTION FOR SNAKE.
COME!
ELIZABETH, GWAN!
>> OLE PES!
AN ´E TO TIEF, HE AIN´ BRING DEM YAM WHA HAD SHART WHEN AH HAD BUY DEM LARSE 100.
PUNG AH YARM FROM ´E YO KNOW!
>> YO CUD JES AS WELL MEK UP YO MINE TO LOSE DAT DEM YO AIN´ GOING SEE AGEN.
TIS YEARS I DEALIN WI DA OLE REPROBATE.
NOW WATCH DE MESS WHA ´E LEAVE IN FRONT ME YA!
EF AH HAD DE WILL AH ´E AH WOULD A BRUK ´E NECK YA TODAY!
>> ´E´S A REAL HARRASTER FO TRU!
>> WHA IT BE SMELLIN SO.
YO GAT FISH ROUN YA ANYWHERE?
>> FISH?
OH, MUS BE DESE CONCH YO SMELLIN IN DE PAN OVER YA.
>> OH, TIS CONCH AH SMELLIN YES.
AH HAD SOME LARSE WEEK.
SHEFFIEL WENT WID SOME ODDER BWAY GO DIVE FO LOBSTER OUT BY DE REEF AND HE PICK UP SOME CONCH FO ME WHILE HE WAS OUT DEL.
BEFO DAT AH DUNNO WHEN LARSE AH HAD SOME.
>> ME TO ME CHILE, WHA´E NAME HAD JES CUM IN FROM FISHENIN´ ON DE SOUTH SIDE WHEN AH HAD PASSIN AND AH GEH DESE FROM ´E.
I LIKE DEM TO BAD!
>> LIKE YO TARKIN´ BOUT CONCH.
LEMME GEH YO DIS JOKE BEFO AH FOGET.
WHEN SHEFFIEL AND DE ODDER BWAY DEM HAD CUM IN TO DE WHARF WID DE BETEAU, IT HAD SOME TOURIS WAS SITTIN ON DE BENCH AND DELI CUM OVER TO WATCH DE LOBSTER AND DE CONCH DEM.
ONE AH DEM ASK DE BWAY DEM "WHAT ARE THOSE THINGS SON?"
DE BWAY SEH DEH IS LABSTA.
REALLY?
HE SAY, "OUR LOBSTERS HAVE CLAWS."
>> LOBSTER WID CLAW?
HA!
HA -I -I -I -I!
SARAH, HE MUST BE TARKIN BOUT CRAB!
>> DEN ANNUDDER WAN SEH, "DESE ARE NOT LOBSTERS AT ALL, DE ARE CRAYFISH."
>> YO MEAN HE SAY DE LOBSTER DEM IS CRAYFISH?
>> SO´E SEH ME CHILE.
BUT LEMME TELL YO, ANNODDER WAN ASK AND WHAT ARE THOSE ANIMALS IN THE PRETTY SHELLS?
WAN AH DE BWAY SAY ´TIS CONCH.
CONCH?
SHE SAY, "CAN YOU EAT THEM?"
HE TELL HER YES.
DEN SHE ASK, "HOW DO YOU COOK THEM?"
DE TELL ´ER.
DEN SHE WANT TO KNOW HOW MANY CONCHS WOULD MAKE A MEAL FOR A PERSON.
SHEFFIEL TELL ´ER, DAT DEPEN´ ON HC,,A, MUCH DE PERSON CUD EAT.
HET MIGHT EAT TWO AND WANT MO, AND SHE MIGHT EAT ONE AND BE FULL.
>> HA!
HA -I -I -I -I!
DAS A GOOD ANSWER SHEFFIEL GEH HER DEH.
WHA SHE SAY TO DAT?
>> SHE LOOK SURPRISE AND DEN SHE SEH.
WELL, WE THINK IN TERMS OF AVERAGES, WHAT AN AVERAGE PERSON WOULD EAT.
SHEFFIEL WELL SMART YO SEE ´E DEH.
HE EVEN UP WID DEM PEOPLE.
HE TELL HER, "WELL, OF HE CUD EAT 3 AND SHE CUD ONLY EAT L DE AVERAGE IS 2, SO WHEN WE GO EAT DE CONCH HE SHEFFIEL WOULD GO HUNGRY WHILE DE TOURIS BELLY WOULD BUST.
>> HA!
HA -I -I -I -I!
SARAH, SHEFFIEL TELL AH SO?
OI, ME BELLY, WHA DE WOMAN SAY TO DAT?
>> SHEFFIEL SAY SHE TUN RED AND DRAW UP HERSELF, BUT DE MAN WHA HAD STANNIN NEAR ´ER LARF LIKE ´E LIKE DE JOKE.
BUT DE SOUL, MUS BE ´E WIFE FO ALL YO KNOW, GIVE ´E SUCH A LOOK, HE STOP LAUGHIN´ RIGHT AWAY.
DE STAN LIL WHILE DEH TEKIN´ PICCHA AH DE BWAY DEM HOLIN´ UP DE LOBSTER AND DE CONCH DEM, DEN DE MOVE OFF WENT GO SIT DUNG AGAIN.
>> WELL DAS A SHEFFIEL, YA!
HA!
HA -I -I -I -I!
>> WAIT NO MAN, LISSEN TO DIS.
WHEN DE HAD MOVIN OFF, DE MAN WHA HAD LAUGH SO HENG BACK AND TELL SHEFFIELD, "BOY, I WISH I COULD TAKE YOU WITH ME, YOU SEEM TO KNOW HOW TO HANDLE HER," AND ´E THROW A QUART GI´ SHEFFIEL.
>> WELL ME SWEET PEACE.
SHE MUS BE ´E WIFE FO TRU DEN.
DAS A SET YA!
>> EH!
EH!
OUR FREN FINISH.
SHE GOIN´.
>> WELL, IT IS JUST ABOUT FINISHED.
WOULD YOU LIKE TO SEE IT?
>> YES, MARM.
OH, DAS TO NICE!
YO COULD DRAW REAL GOOD MISSIS.
>> IT LOOK REAL AS LIFE.
IN FAC´, IT LOOK BETTER DAN DE REAL WELL.
>> WHY THANK YOU.
THAT´S A REAL COMPLIMENT, AND I DO APPRECIATE IT.
YOU PEOPLE HAVE A LOVELY ISLAND.
I HOPE THEY NEVER CHANGE THIS OLD TOWN.
>> MISSIS?
YO MEAN YO DON´ WARN DEM FIX DESE OLE HOUSE?
HALF A DEM READY TO FALL DUNG DE WOODLICE EAT DEM SO!
>> OH NO.
BUT WHEN THEY FIX THEM, THEY SHOULD NEVER CHANGE THE STYLE OF ARCHITECTURE.
THEY SHOULD BE LEFT IN THE SAME OUTWARD APPEARANCE.
YOU HAVE SOMETHING PRICELESS HERE.
AND THE CLIMATE IS EXCELLENT.
YOU ARE VERY FORTUNATE TO LIVE IN SUCH A BEAUTIFUL ISLAND HOME.
WELL GOODBYE.
>> SO LANG, MARM.
>> YO KNOW SARAH, DESE PEOPLE WELL LIKE DIS PLACE YOU KNOW.
>> ME AIR´ KNOW WHA DE SEE IN DESE OLE HOUSE TO LIKE ME CHILE, BUT EVERY EYE FARM ITS OWN BEAUTY DEH SHE.
>> BUT DEH DOES LOOK WELL PRETTY WHEN DEH TEK PICTURE AH DEM MAN.
>> ANYTING LOOK GOOD ON PAPER, BUT WHEN YO SEE DE REAL TING, WHA?
>> OW, MAN, DESE PEOPLE TRAVEL ALL OVER YO KNOW.
DE SEE AH LAT A PLACES ALL OVER DE WORLD SOME AH DEM, AN DE STILL LIKE LIL SANTA CRUZ.
SO IT MUS BE GAT SOMETHING GOOD YA AFTER ALL.
>> BLUE SKY AND BLUE SEA AND A LOT AH OLE HOUSE AND PLENTY DRY WEDDER YES.
>> HA!
HA -I -I -I!
SARAH, YO TO BAD!
>> EH!
EH!
AH SEE YO NEX DOOR NEIGHBOR MOVE.
WHE SHE GARN?
>> OH SHE, AH WISH SHE HAD GARN LONG AGO.
BUT SUCH A QUARLIN´ SHE AND BERTHA HAD DE ODDER NITE.
YO KNOW, SHE AND BERTHA NEVER ´GREE FROM LANG.
SO WHEN SHE HAD MOVIN DE ODDER NITE, BERTHA GET TO DE WINDER AND SING OUT, "BUG A WARK!"
WACHA, ADDIE, DE PLACE LITE UP!
AH NEVER HEAR SUCH A BUSIN IN ME LIFE!
SHE CUSS ALL BERTHA GENERATION.
AND WHA BERTHA DIDN´ KNOW BOUT HERSELF, SHE FINE OUT DA NITE.
IN DEH END, BERTHA HAD TO SLAM IN DE WINDER IN HER FACE, CAUSE SHE WASN´ GETTIN NOWHERE WID SHE!
>> HA!
HA -I -I -I -I!
AH WISH AH BEENDEHTO HEAR!
DAS A MELEE FO YO SO SHE FLOOR BERTHA?
>> ME CHILE, SHE KNOCK ´ER OUT CLEAN.
BUT AH GLAD SHE MOVE FROM DEH FOR SHE ALL TIME QUARLIN´, QUARLIN´ FO DE LEAST LIL TING.
A MORE BIGITIVE WOMAN DAN SHE TARO´ GAT.
>> LARD, DE FLY DEM BAD TODAY!
>> TAIN´ DA BAJAN GOOD FO NOTHIN WID ´E DANKEY CORN MESS UP DE PLACE, BRING DE FLY DEM!
EF AH ONLY HAD DE WILL AH ´E.
I TELL YOU.
>> MEH DEER MARM YUH WAN WAH?
THE QUEEN´S ENGLISH AND THE TELEPHONE.
>> MARNIN´ ADDIE, AH HAD TINK YO WARN´ GOIN´ BADDER WID IT TODEH TARL, YO SO LATE.
>> MARNIN´ ME CHILE, AH HAD STAP TARKIN´ TO MELDA LIL BIT, BUT AH REACH AT LAST.
BUT SARAH, YO EVER SEE WUS?
YO KNOW WHA DA MAN HAD ASKIN´ MEH ´BOUT WHEN YO SEH MEH DEH TARKIN´ WID ´E?
>> NOH MEH CHILE, AH HAD SEH ALYO TARKIN´ AN AH WUS WANDERIN´ WHA ´E BIN AH TELL YO.
>> HE HAD ASKIN´ MEH WHA LANGUAGE WE YA IN SANTA CRUZ DOES TARK?
YO EVER HEAR WUS?
>> WHA LANGUAGE WE DOES TARK?
WHA DOH DE MAN.
HE HEAD CARN BEH GOOD.
HE AIN´ KNOW ´TIS ENGLISH WE BIN AH TARK JES LEK HE?
>> DAS WHA AH TELL DE MAN, BUT ´E LAUGH AN SEH DAS AH FUNNY KINE AH ENGLISH DAT HE NEVER HEER BEFO IN ´E LIFE.
AH TELL ´E, WELL ´TIS ENGLISH DOH, ´E KIN CARL IT WHA ´E LIKE.
>> WELL DA MAN MUS BE WELL SCHUPID EF HE DON´ KNOW ENGLISH WHEN ´E HEER IT.
WHA ´E BEH, AH JARMAN O´ WHA?
>> NOH MAN!
DE MAN CUM FRAM AMERICA.
´E TARK ENGLISH JES AS GOOD AS ME AN YOU SARAH.
ONLIS TING ´E YANKIN´ TO BEAT DEH BAN, LEK DEH DOES TARK UP DA SIDE.
>> BUT YET HE WANT TO KNOW WHA LANGUAGE WE DOES TARK IN DIS ISLAN´?
TELL ´E WE DOES TARK CRUCIAN DEN.
>> OH!
HE AKS MEH AGEN EF TIS CALYPSO WE TARKIN´.
AH TELL ´E NOH, CALYPSO IS A KINE AH SANG, WE DOES TARK ENGLISH.
DE MAN DUMSTRIVE WID MEH IT AIR.
ENGLISH, ´TIS SUMTING ELSE.
SOH ME GIVE UP AN LEF ´E DEH.
>> WELL, DAS A QUARKO AN AH HALF DA MAN BEH.
EH!
EH!
SENCE AH SEH YO LARSE WEEK AH NEARLY LOSE MEH LIFE MEH DEER MARM.
>> OH NOH, HOW DAT HAPPEN SARAH?
>> WELL MEH DEER MARM, AH WENT WEST EN GOH SEH MEH COUSIN WHO HAD SICK IN DE CLINIC DUNG DEH.
AN DE TAXI WHA AH HAD DRIVIN´ EEN WAS TRYIN´ TO PASS WAN AH DEM INFERNAL BIG CANCRETEMIXER WHA TEK UP NEARLY DE WHOLE ROAD.
>> YES, AH DOES SIH DEM AN DE ROAD FO TRU ALL DE TIME.
>> WELL, DE DRIVER CARN SEH BECAUSEN HE DEH AN DE INSIDE, SO WHEN HE CUM OUT FAR ENUF DAT HE CUD SHE.
AH NEX BILE WAS PITCHIN CUMIN AN NEARLY RAM RIGHT ENTO US HEAD ARN.
DE TAXI DRIVER CUSS DE GUVNER.
DE POLICE AN DE COUNCILMAN DEM.
WHOEVER IT BEH RESPANSIBLE FO NAT CHANGIN´ DIS LEF HAN DRIVE WE GAT IN DIS ISLAN WID DESE RIGHT HAN BILE.
HE SEH IT DON´ MEK NO KINE AH SENSE TO HE TARL, TARL, WHY DEH KEEPIN´ DIS DARM LEF HANDED DRIVE.
>> ME CARN DRIVE NOH CAR, BUT IT MEK SENSE TO ME, E DE BILE DEM WHA DEH USIN´ MEK TO DRIVE AN DE RIGHT SIDE AH DE ROAD, DEN CHANGE TO DRIVE AN DE RIGHT HAN SIDE AN DONE WID IT NOH?
WHA DE DEVIL DEH WAITIN´ ARN?
YO CUD TELL ME?
>> TELL MEH SUMTING ADDIE, YO EVER TARK ON DE TELEPHONE LATELY?
>> I HAVE TARK AN IT SOMETIMES YES, HOW YO MEAN?
>> WELL MEH CHILE, MEH NEIGHBOR SOPHIE HAD SECH AH CARRYIN´ ARN DEH LARSE NITE.
SHE ´BUSE DE TELEPHONE PEOPLE DEM CUMIN´ AN GOIN´.
>> FO WHA MEH FREN?
WHA HAPPEN?
>> SHE HAD WANT TO CARL UP HER COUSIN IN WEST EN TO WISH ´ER HAPPY BURDAY LEK SHE ARLWAYS CUSTAM TO DOH.
AN SHE COULDN´ GEH DE TING TO WUCK AH TARL, AH TARL.
SHE DEH DEH CHOOKIN´ HER FINGER, TUNNIN´ DIS TING, DEN SHE LISSEN, AN ARL SHE HEARIN´ IS BEEP, BEEP, BEEP, BEEP, SHE SEH.
>> OH, DAS WHA DEH CARL DE BUSY SIGNAL, WHEN ODDER PEOPLE DEM TARKIN´.
>> WELL MEH DEER MARM, SHE PUT IT DUNG.
DEN LIL WHILE PASS.
SHE TEK AM UP AGEN.
TUN DE TING WID HER FINGER AGEN, DEN SHE WAIT, WAIT - NAT AH TING HAPPEN, SHE CARN EVENSELF HEAR, BEEP, BEEP NO MO.
>> MAN, IT TO AGGRAWATIN´ FO TRU.
SOMETIMES YO WAIT, WAIT, YO CARN EVENSELF HEER WHA DEH CARL IT?
AH YES, DE DIAL TONE.
NAT EVEN DAT SOMETIMES.
AN MINE YO, DIS AH BRAN NEW TELEPHONE SYSTEM!
>> WELL, EF IT GOIN´ ARN SOH NOW WHEN IT NEW, TINK YO WHA GOIN´ HAPPEN WHEN IT GEH OLE!
>> ´TIS JES DAT, NO LIE!
FREDDY HAD SEHIN´ DAH SELF SAME TING DE ODDER NITE.
HE SEH LARD HELP US LATER ARN EF DIS HAPPENIN´ AHREADY.
HE SEH LANG AGO WHEN DEH HAD OPERATER.
YO CUD AT LEASE CARL DEM UP AN RAISE DE DEVIL FO DEM.
BUT NOW, WHA ´E SEH?
OH YES, ´E SEH IT SOH FRASTRATIN´ TO STAN DEH HOLIN´ DE TING IN YO HAN´ AN NUTTEN HAPPENIN´.
HE SEH HE HAD RADDER DE OLE TIME TELEPHONE WHA YO HAD TO DRANK.
YO CUD AT LEASE CRANK DE DEVIL OUT AH DE TING AN SOH WUCK ARF YO FURY.
>> AH HEER DEH SEH DEH FIXIN´ SUMTING WHA GARN WRANG WID IT AHREADY.
DEH MAN SEH IN DE PAPER TIS LEK TRYING TO PUT SHOES PON A HASS WHILE IT RUNNIN´.
BUT IT LOOK LEK DEM DEH CAN´ EVEN SHOE DIS HASS EF IT STONE DEAD, DEH TEKIN SOH LANG.
>> DAS DE TRUTH SARAH, IT LOOK LEK SUM HOW O´ DE ODDER WE DOES ARLTIME GET AH RAW DEAL DUNG YA IN DESE WURGIN ISLANS.
>> MEH CHILE, YO WARN WUS?
>> GEL GO WARK, DAS ALL YO GOOD FAR.
OF GAMBLERS AND CHICKEN THIEVES.
>> WELL ADDIE, HOW IS DE GOES ME CHILE?
>> AH CAM COMPLAIN DARLIN.
ONLY DE EYE DEM, SAME AS USUAL.
>> AY MARM, WHEN TAIN ONE TING TIS DE NEX.
IT GOIN GAT SOME KINE A WEATHER SOON, IT GOIN RAIN OR SOMETHING.
A KIN TELL FROM DESE KNEE AH MINES DEH IS A PURE BAROMETER, BELIEVE ME.
>> HA!
HA -I -I -I -I -I!
YO COULD GET A JAB WID DE WEATHER BUREAU DEN!
>> EH!
EH!
YO AIRI KNOW SHIEFFIEL WIN 75 CENTS DE ODDER DAY FROM DE BWAY DEM UP ON DE BAY?
SO OFTEN HE HEAR ME SAY IT GOIN RAIN CAUSE ME KNEE DEM RAISE FO ME DAT HE BET DE BWAY DEM DAT IT WERE GOIN RAIN CAUSEN HE HEAR ME SAY SO DE MARNIN, AN WHO TELL YOU BUT IT DID RAIN AH PRAPER SHOWER AH RAIN FO TRU.
>> OH NO, WELL YO SEE YO KNEE DEM GOOD FO SOMETING AFTER ALL, HA!
HA -I -I -I -I!
>> BUT AH DON´ LIKE DIS BETTIN´ AN GAMBLIN´ WHA DESE IIL BWAY TODAY TEKIN UP.
>> NO, FO TRU, NO LIE, DE DEH ALL BOUT DE BAYSIDE UNDER DE TREE DEM GAMBLIN´ EVERY DAY FO TRU.
>> YES MARM.
DE ODDER MARNIN AH POLICEMAN WAS PASSIN UP DA SIDE IN DE LIT CAR WHA DE GAT DE.
WHA DE CALL DEM NOW, AH CREEP O WHA?
>> OH, YO MEAN DE JEEP?
>> AH JEEP IT NAME NUH, WELL DA.
AN DE BWAY DEM DIDN´ SEE ´E TILL ´E BEEN RIGHT UP CLOSE ON DEM, WELL, WATCHA ADDIE, DE SCATTER IN ALL DIRECTION LEK WHEN YO THROW A STONE PON A JACK SPANIARD NES!
>> HA!
HA -I -I -I!
AH FANCY AH SEE DEM!
>> ONE LIL ONE STAY FO DE LAST PICKIN UP DE MONEY WHA DE REST RUN LEAVE AN´ DE NEARLY HOLE HE.
BUT HE RUN IN DE WATER BEHINE DE MANGRO TREE DEM AND BIN DEH DUCKIN´ DE POLICEMAN TILL HE GET DISGUS AN´ WENT BOUT ´E BUSINESS.
>> HA!
HA -I -I -I!
WELL, DAS A SET AH BWAY YA!
>> BUT DAS AH BAD HABIT FO DEM LIL CHILE TO BE GETTIN ADDIE.
I SEE TOO MUCH MISERY COME OUT AH DA SAME CARD AND DICE PLAYIN´.
AH WILL NEVER FOGET DE TIME BERYLINDA HUSBAN LOSE HE WHOLE WEEK PAY WHEN HE HAD WUKIN FACTORY AN COME HOME WITHOUT A CENT IN ´E POCKET COME FACEN ´E WIFE AN FIVE SMALL CHILE.
SHE, HAD TO BARROW FROM DE NEIGHBOR DEM TO FEED DE POOR TING DEM.
>> OH YES?
POOR SOUL.
>> BUT YO TINK DA STAP ´E?
NOT DA, HE DOES STILL DEH DEH FOLLOWIN´ UP DE GAMBLE STRAIGHT, STRAIGHT.
WELL, LE ´E GO ARN, HE MAY COME TO HE SENSES WAN AH DESE DAYS BE FO´ IT TOO LATE.
>> WELL DAS A DISCOURSE WID ISIDORE AND DRUCILLA FOWL DEM!
>> ME DEAR MARM?
YO EVER SEE A MORE BARFACED TIEF IN YO LIFE?
>> WHA SHE NAME HAD TELLIN ME BOUT IT LARSE NIGHT, BUT SHE DIDN´ KNOW HOW DE TING HAD GO DE RIGHT WAY.
WHA REALLY HAPPEN ME CHILE?
>> ME DEAR MARN, DRUCILLA WAS TELLIN ME BOUT IT HERSELF YESTERDAY AFTER AH LEF UP YA.
SHE SAY SHE ALL TIME LOSIN HER FOWL DEM.
SOON SHE GET A NEX SET.
SOME GOOD FO NUTTIN GARN WID DEM AGAIN.
SO SHE DECIDE TO SET A TRAP FO DE TIEF.
>> AH HA!
GOOD YO, SO WHA HAPPEN?
>> SHE AND DE TWO BWAY FO SHE SET UP TWO NIGHT WAITIN ´PAN DE TIEF.
NOBADY COME.
DE THIRD NIGHT DE DRAW DE GRAN PRIZE.
>> VERY WELL!
>> ´BOUT TWO DE MARNIN DE HEAR A MOVEMENT OVER BY DE FENCE.
DE KEEP QUIET.
DE SEE A SHADOW CROUCHING COMIN´ TO DE FOWL HOUSE.
AS DE PERSON ENTER HE PUT ON ONE AH DEM TEENY FLASHLIGHT.
AND HE REACH OUT AN TEK AFF AH LOVELY PULLET AFF AH DE ROOST.
HE HAD JES GOIN PUT DE FOWL IN DE BAG WHA HE HAD BRING WID HE WHEN BRAM!
A FIVE-CELL FLASHLIGHT BUS ON IN ´E FACE, AN A CARN-BROOM STICK BRUK CRASS ´E HEAD, AN HE BAWL OUT HELP!
MERCY!
STAP IT!
BUT WID DA A POUND AH CARNMEAL PITCH IN ´E FACE, NEAR BLINE ´E AND FULL UP ´E MOUT AN NOSE.
>> HA!
HA -I -I!
WELL DAS A TRICK DE WUK ON DA TIEF YA, OI!
HA!
HA -I -´ -1 -1!
>> MEANTIME DE, BWAY WID DE STICK CRACK ´E TWO MO, AND DE ODDER BWAY WITH DE LIGHT TELL HE DON MOVE O´ AH RAM YO WID DIS, AND ´E SHOW ´E A LANG PITCH FARK HE HAD HOLING IN ´ED ODDER HAN.
DEN DE SEE TIS DA GOOD FO NUTTIN ISIDORE.
AN DE MARCH ´E RIGHT DUNG TO DE FORT DA HOUR AN DE MARNIN.
>> HA!
HI -I -I -I -I!
WELL ISIDORE IS A STINKIN´ TIEF YA!
NO WANDER ´E LOOKIN SO GOOD, EATIN ALL DEM FOWL AND TING WHA HE TIEF.
EH!
EH!
WATCH DA LOVELY BILE PASSIN´ DE NO MAN, PRETTY EH?
>> IT WELL PRETTY FO TRU.
BUT ADDIE DAS A HEAP A NEW BILE COMIN IN DIS LIL ISLAN DE GEEN DEM WAY O´ WHA?
>> GEEN DEM WAY?
NO MARM!
HA!
HA -I -I -I!
YO GAT TO PAY MORE DAN EVER FO ONE AH DEM DE.
>> EH!
EH!
DA´ A FUNNY TING ME FREN, FO YO KIN HARDLY WALK TODAY FO DE BILE DEM IN DE STREET.
>> EH!
EH!
SARAH, IT LOOK LEK YO GRUDGE DE PEOPLE DEM DEH CAR.
WHA DO YO?
>> AH AIN´ GRUDGE MAN, BUT AH CARN HELP WONDERIN´.
EF DE PEOPLE DEM WUK FO DE MONEY AN DEH FEEL LEK BUYIN NEW BILE DAS DERE BUSINESS.
WHA MEK YO DON´ GET WAN TOO?
LEH WE DRIVE OUT TO DE BIG LIBERTY DAY BALL.
WHA DE KEEPIN OUT TO DE BUCCANEER?
>> ME?
POOR ME.
ME WHA HARDLY KIN MEK ENOUGH TO KEEP BODY AND SOUL TOGETHER!
WHEN AH WIN DE GRAN PRIZE DEN AH WILL BUY WAN NOT BEFO.
>> HA!
HA -I -I -I -I!
SO YO DOES TEK TICKET DEN, DAS GAMBLIN TOO YO KNOW.
>> WHA YO MEAN?
BECAUSE AH TARK BOUT DE LIL BWAY DEM GAMBLIN?
MAN HUSH YO MOUT.
YO CARN COMPARE ME BUYIN A PIECE A TICKET TO DEM LIL CHILE WID DE DICE AN CARD.
>> OH NO?
TIS GAMBLIN ALL DE SAME.
>> IT LOOK LIKE YOU COME UP READY TO MEK ARGUMENT DIS MARNIN.
WELL YO AIN´ GOIN ARGUE WID ME, CAUSEN I AM´ FEEL LIKE IT ODAY, I WILL JES.
>> MARNIN´ ADDIE.
WATCHA SARAH WHA IT BE YO TELL HERBERT BOUT YOU SEE ME LARSE FRIDAY NIGHT TARKIN TO ALFRED UNDER DE LIBRARY GALLERY?
>> YES, HE ASK ME AN AH TELL ´E AH SEE YO YES.
>> HE AIN´ ASK YO NUTTIN.
YOU WENT WID YO FARWARDNESS GO CARRY NEWS.
BUT GO ON, ONE AH DESE DAYS SOMEBODY GOIN DO FO YOU GOOD DOH.
>> SEE YA, GEL DIS MOUT IS MINES OWN, AN I KIN SAY WHA I WANT.
EF YO DON WANT PEOPLE NOTICE YO DEN DON´ HANG BOUT DE GALLERY DEM TO TARK TO PEOPLE IN DE DARK.
WALK OUT BOLD IN DE STREET OF YO AIN´ GAT NUTTIN TO HIDE, DON´ SKULK UNDER GALLERY!
>> WHO WAS SKULKIN UNDER GALLERY?
YOU BETTER MINE YO OWN BUSINESS.
DIS AIN´ DE FUS TIME YO MEK YO MOUT FARSE CARRY NEWS ON ME.
>> STAP YO FARWARDNESS, YOU IS ANYBADY TO CARRY NEWS ON?
>> WELL ANYWAY, YOU WASH YOSELF AFF AH ME O´ YOU GOIN FINE YOSELF IN TROUBLE.
>> GEL GO WARK, DAS ALL YO GOOD FAR.
>> HA!
HA!
AH WAS JES IN TIME TO HEAR FO MESELF.
AH ALL TIME TELLIN ALYO ALYO MOUT GOIN DO FO YO, TARKIN PEOPLE BUSINESS STRAIGHT STRAIGHT.
>> YOU COMING NOW, WID MORE SCHUPIDNESS.
I AIN´ IN NO MOOD TO STAN NO MORE DIS MARNING.
>> AH NO, DA GEL FIX YO PRAPER.
SHE PLEASE ME!
>> LIL JOE, WHE YO GEH DA DANKEY?
>> AH BUY IT NUH.
WHE YO TINK AH GEH IT FRAM?
>> WELL ME SWEET PEACE, DANKEY COME SO CHEAP, LIL JOE AN ALL KIN BUY ONE.
>> AH HA!
HOW DE NEX ONE START UP.
EASE!
SEE YA WOMAN WHA YO DOIN TICKLIN DE ANIMAL DE.
STAP IT!
OI!
>> OH, HA!
HA -I -I -I -I!
OI, ME BELLY, DE DANKEY FLING LIL JOE RIGHT ON ´E HEAD IN DE PAN AH HAG WATER.
HA!
HA -I -I -I -I!
WELL DA MEK ME FEEL GOOD AGAIN.
HA!
HA.
>> JUS GO ´BOUT YUH BUSINESS MAN!
SARAH AND ADDIE NEWS FLASH.
>> HA HAIIIIII!
>> ADDIE GYAL, WHA GWAN WIT YOU?
>> SARAH, YOU AIN´T HEAR BOUT THE CORONAVIRUS?
>> GYAL WA DAH BE?
DA TING IN CHINA?
>> YEAH MEH SON, IF IT SPREAD DOWN YAH, LORD OF MERCY, WE ALL GON DROP DEAD.
>> OH GASH!
ONE OF MEH SONS DEM DEH IN THE ARMY IN CHINA.
>> GYAL, DON´T WORRY!
HE GON BE FINE.
>> GYAL ME AIN WANT NO VIRUS.
GYAL ME NEITHA.
MEHSON SARAH, YO HEAR BOUT ALL DEM EARTHQUAKE DEM IN POTO RICO?
>> YEH GYAL.
ME ´FRAID DEM TING CUM OVAH YA.
>> GYAL, DEM TING ALMOST KILL ALAT A PEOPLE IN POTO RICO.
>> GYAL, DEM BUILDING BEEN FALLING DOWN, HOUSE ON TOP A CAR AND SCHOOL AND TING CRASH DOWN.
ME GRANCHILE WAS SHOWING ME DE PICKCHAS ON YOUTUBE.
>> YOU KNOW, ONE AH ME GYAL DEM BEEN OVAH DEH.
>> YO LIE!
YO CALL SHE AN MEK SURE SHE OK?
>> OF COURSE, I CALL SHE.
SHE OK. >> ADDIE, YOU HEAR BOUT DEH WHITE VAN DAT TEKIN PEOPLE GYUL CHILD.
>> OH GOD MAN.
DEH BES NOT TEK NO OLD CONCH.
>> HA, HA, HAIIII!
YEH, DEH BEST NOT TEK NO OLD CONCH.
>> IT WAS IN MONBIJOU DEM MAN COME OUT DEH VAN AND GRAB DEM YOUNG CHIRREN.
>> LET DEM MAN GRAB ME.
NOSAHHHH!
I WOULDA MEK DEM MAN FEEL SORRY!
>> YES GYUL.
YO RIGHT!
I WOULDA DO THE SAME TING.
>> SO WHO CHILD DEH TEK?
>> DEH TEK SISTA FRANCIS GRANDCHILD.
>> WATCHYA DAS A SERIOUS TING!
>> YEAH, MEHSON AH SORRY FOR DEM.
>> WHO ELSE PICKNEY DEH TEK?
>> I THINK DEH TEK SISTA GARCIA CHILD TOO.
>> YEH, YUH RIGHT!
>> WHY YUH GETTING IN MEH BUSINESS?
KEEP YUH RUSTY SPOON OUT MEH POT, OK?
>> ME AIN KNOW WHY AYO GOING ON SO FA!
I GON LEAVE YUH HEAR!
>> YEH GO AND DON´T COME BACK YUH HEAR!
MMMM, SHE BETTA HAD GONE.
I WOULDA TEAR HA BEHIND UP!
>> HAHAIIIIIIII!
SO CONTINUE WIT DEH MELEE GYUL.
I WAN HEAR WAH WENT ON.
>> YEH, DEH WAS TRYING GRAB SHE AND SHE BAWL OUT.
>> YESSAH, SHE RIGHT.
I WOULDA SCREAM TUH!
>> SO DUH POLICE CATCH DEH MAN DEM AND PUH DEM IN GOLDEN GROVE.
>> YESSAH, AT LEAST!
>> WAH GWAN!
ME NEED SOME BELL PEPPER.
YOU GOT ANY?
>> I HAVE SOME BELL PEPPER, BUT YOU AIN GON SAY EXCUSE ME?
YOU AIN´T GOT NO MANNERS!
>> ME AIN KNOW AYO WAS TALKING!
SORRY!
>> GYAL, DON´T WORRY BOUT THAT.
>> I NEED SOME BELL PEPPERS PLEASE AND THANK YOU.
>> I BEEN WAITING YAH SINCE WORLD WAR 2!
>> SARAH, LOOK AT ALL THESE FLIES ROUND HERE EATING UP OUR FRUIT!
>> WHAT YOU WANT ME TO DO?
>> TRY TO KILL THEM!
>> WIT WA?
BUG SPRAY?
>> BUT YOU CYANT USE YOUR HAND DEM?
>> WAH, YOU THINK I BE?
BUG KILLER?
GYUL, PLEASE.
>> SINCE MARIA, DIS PLACE FULL WITH FLY AND MAMPEE!
>> SO SICK A DEM!
♫♫ ♫♫ ♫♫ ♫♫ ♫♫ ♫♫ ♫♫ ♫♫ >>> THE VIEWS EXPRESSED ON THIS PROGRAM ARE NOT NECESSARILY THOSE OF WTJX, ITS BOARD, STAFF OR UNDERWRITERS.
EFFORTS FOR THE ADMIRAL PERFORMANCE OF THE TERRITORY´S BREAD AND BUTTER INDUSTRY DURING THE COVID-19 PANDEMIC.
HE REPORTED THAT IN AN ENVIRONMENT OF DEEP DECLINES IN REGIONAL AND INTERNATIONAL TOURISM, THE TERRITORY HAS WEATHERED THE PANDEMIC STORM WELL.
THE VIRGIN ISLANDS WELCOMED AIR ARRIVALS IN 2020 REPRESENTING A 35.1% REDUCTION YEAR OVER YEAR.
HE SAID WE´RE THANKFUL FOREVER OUR POLICYMAKERS AND THE BUSINESS COMMUNITY FOR THEIR THOUGHTFUL ACTIONS.
THE TERRITORY HAS BEEN KEPT AFLOAT BY A MAJOR UPTICK IN AIR TRAFFIC THAT STARTED OVER THE THANKSGIVING WEEKEND PERIOD.
HE REPORTED THAT RECOVERY´S BEEN STRONG WITH THE TERRITORY EXPERIENCING AN ENCOURAGING START TO THE 2021 SEASON ANCHORED BY ROBUST VISITOR ARRIVAL THROUGHOUT THE CURRENT SPRING BREAK PERIOD.
THE COVID-19 IS OFFERED TO ALL INMATES IN COLLABORATION WITH THE DEPARTMENT OF HEALTH.
CORRECTIONS BEGAN OFFERING THAT VACCINE TO ALL STAFF IN JANUARY.
THEY´RE AN AUTHORIZED PROVIDER OF BOTH THE PFIZER AND MODERNA VACCINES.
THEY GOT APPROVAL TO ADMINISTER THE VACCINES AFTER APPLYING IN DECEMBER.
ALL NEW INMATES AT THE FACILITIES ARE TESTED FOR COVID-19 IN QUARANTINE FOR 14 DAYS REGARDLESS OF THE TEST RESULTS.
THE BUREAU OF CORRECTIONS DIRECTOR SAID THEY HAVE NO KNOWN OR SUSPECTED CASES OF COVID-19 AT EITHER OF THEIR FACILITIES RIGHT NOW.
CORRECTIONS STOCKPILE SUFFICIENT PPEs IN ANTICIPATION FOR ANY RESURGENCE.
>>> WITH A WEEK AND A HALF, I THINK IT´S THE END OF THE MONTH FOR THE PAYCHECK PROTECTION PROGRAM TO GO AWAY.
THE SENIOR AREA MANAGER FOR THE SBA WAS ON ISLAND A FEW WEEKS BACK.
HE´S ENCOURAGING BUSINESSES TO TAKE ADVANTAGE OF THE PAYCHECK PROTECTION PROGRAM BEFORE IT GOES AWAY.
>> THE PAYCHECK PROTECTION PROGRAM, OR PPP, FORGIVABLE LOAN WHICH KEEPS WORKERS ON PAYROLL AND CONNECTED TO THEIR BENEFITS DURING THIS UNPRECEDENTED TIME.
LOAN PROCEEDS CAN BE USED FOR ELIGIBLE PAYROLL COSTS AND NONPAYROLL COSTS INCLUDING COMMERCIAL RENT, UTILITIES, MORTGAGE INTEREST AND COVID-19 WORKER PROTECTION COSTS.
SINCE THE PROGRAM BEGIN LAST YEAR, OVER 2,360 SMALL BUSINESSES HAVE BEEN APPROVED FOR OVER $158 MILLION HERE IN THE VIRGIN ISLANDS.
TO APPLY FOR A PPP LOAN, PLEASE CONTACT YOUR BANK OR PREFERRED LENDER SOON TO BEGIN YOUR APPLICATION.
ALL OF THE FIVE LARGE LENDERS IN THE VIRGIN ISLANDS, FIRST BANK, MERCHANTS BANK, AND BANK OF ST. CROIX ARE PARTICIPATING.
TAKE ADVANTAGE OF THIS PROGRAM.
IT WILL EXPIRE.
>> THAT´S YOUR NEWS BRIEF.
I´M DOUG HARRIS.
Support for PBS provided by:
Sarah & Addie is a local public television program presented by WTJX